main zinda hoon

Aakhiree raat thee wo Main ne dil se ye kahaa Harf jo likkhe ga.e Aur jo zabaan bolee ga.ee Sabhee be-kaar ga.e Main bhee ab haar gaya yaar bhee sab haar ga.e Koee chaara nahin juz-tark-e-ta.alluq ai dil Ik sadaa aur sahee aakhiree baar Jism se chheDaa use ruuh se chhoo le use Aakhiree baar bahe saaz-e-badan se koi naghma koi lai Aakhiree raat hai ye Aakhiree baar hai ye zaa.iqa-e-bosa-o-lams Aakhiree baar chhalak jaa.e lahoo Garmi-e-jaan se mahak jaa.e nafas kee khushboo Khvaab men khvaab ke maanind utar jaa ai dil Aakhiree raat thee wo Phir guzar koo-e-nadaamat se huaa to dekhaa Baam raushan hai jo thaa Aur darvaaze pe dastak hai vahee Meraa qaatil dar-o-deevaar pe Kuch naqsh banaataa hai abhee Ungliyaan Khoon se tar dil-e-kam-zarf ko hai vaahama-e-arz-e-hunar Din kee har baat huee be-tauqeer Raat hai aur zameer Chashm hai muntazir-e-khvaab-e-digar Khvaab aate hain Thaharte hain chale jaate hain Aur qaatil kee sazaa ye bhee ki main zinda hoon AaKHiri raat thi wo Main ne dil se ye kaha Harf jo likkhe gae Aur jo zaban boli gai Sabhi be-kar gae Main bhi ab haar gaya yar bhi sab haar gae Koi chaara nahin juz-tark-e-talluq ai dil Ek sada aur sahi aaKHiri bar Jism se chheDa use ruh se chhu le use AaKHiri bar bahe saz-e-badan se koi naghma koi lai AaKHiri raat hai ye AaKHiri bar hai ye zaiqa-e-bosa-o-lams AaKHiri bar chhalak jae lahu Garmi-e-jaan se mahak jae nafas ki KHushbu KHwab mein KHwab ke manind utar ja ai dil AaKHiri raat thi wo Phir guzar ku-e-nadamat se hua to dekha Baam raushan hai jo tha Aur darwaze pe dastak hai wahi Mera qatil dar-o-diwar pe Kuch naqsh banata hai abhi Ungliyan KHun se tar dil-e-kam-zarf ko hai wahama-e-arz-e-hunar Din ki har baat hui be-tauqir Raat hai aur zamir Chashm hai muntazir-e-KHwab-e-digar KHwab aate hain Thaharte hain chale jate hain Aur qatil ki saza ye bhi ki main zinda hun