mohabbat

Main jism o jaan ke tamaam rishton se chaahtaa hoon Naheen samajhtaa ki aisa kyuun hai Na khaal-o-khad kaa jamaal us men na zindagee kaa kamaal koi Jo koi us men hunar bhee hogaa To mujh ko is kee khabar nahin hai Na jaane phir kyoon! Main vaqt ke daa.eron se baahar kisee tasavvur men uD raha hoon Khayaal men khvaab o khalvat-e-zaat o jalvat-e-bazm men shab o roz Miraa lahoo apnee gardishon men usee kee tasbeeh paDh raha hai Jo meree chaahat se be-khabar hai Kabhee kabhi wo nazar churaa kar qareeb se mere yuun bhee guzraa Ki jaise wo baa-khabar hai Meree mohabbaton se Dil o nazar kee hikaayaten sun rakhee hain us ne Miree hee soorat Vo vaqt ke daa.eron se baahar kisee tasavvur men uD raha hai Khayaal men khvaab o khalvat-e-zaat o jalvat-e-bazm men shab o roz Vo jism o jaan ke tamaam rishton se chaahtaa hai Magar nahin jaantaa ye wo bhee Ki aisa kyuun hai Main sochtaa hoon wo sochtaa hai Kabhee mile ham to aa.eenon ke tamaam baatin ayaan karenge Haqeeqaton kaa safar karenge Main jism o jaan ke tamam rishton se chahta hun Nahin samajhta ki aisa kyun hai Na KHal-o-KHad ka jamal us mein na zindagi ka kamal koi Jo koi us mein hunar bhi hoga To mujh ko is ki KHabar nahin hai Na jaane phir kyun! Main waqt ke daeron se bahar kisi tasawwur mein uD raha hun KHayal mein KHwab o KHalwat-e-zat o jalwat-e-bazm mein shab o roz Mera lahu apni gardishon mein usi ki tasbih paDh raha hai Jo meri chahat se be-KHabar hai Kabhi kabhi wo nazar chura kar qarib se mere yun bhi guzra Ki jaise wo ba-KHabar hai Meri mohabbaton se Dil o nazar ki hikayaten sun rakhi hain us ne Meri hi surat Wo waqt ke daeron se bahar kisi tasawwur mein uD raha hai KHayal mein KHwab o KHalwat-e-zat o jalwat-e-bazm mein shab o roz Wo jism o jaan ke tamam rishton se chahta hai Magar nahin jaanta ye wo bhi Ki aisa kyun hai Main sochta hun wo sochta hai Kabhi mile hum to aainon ke tamam baatin ayan karenge Haqiqaton ka safar karenge