nigaar e subh ki ummiid men pighalte hue

Nigaar-e-sub.h kee ummeed men pighalte hue Charaagh khud ko nahin dekhtaa hai jalte hue Vo husn us kaa bayaan kya kare jo dekhtaa ho Har ik adaa ke ka.ee qad na.e nikalte hue Vo mauj-e-mai-kada-e-rang hai badan us kaa Ki hain talaatum-e-mai se suboo uchhalte hue To zarra zarra us aalam kaa hai zulekhaa sifat Chale jo dasht-e-balaa men koi sambhalte hue Ye ruuh kheenchtee chalee jaa rahi hai kis kee taraf Ye paanv kyuun nahin thakte hamaare chalte hue Usee ke naam kee khushboo se saans chaltee rahe Usee kaa naam zabaan par ho dam nikalte hue Khayaal o khvaab ke kya kya na silsile nikle Charaagh jalte hue aaftaab Dhalte hue Andhere hain yahaan sooraj ke naam par raushan Ujaalon se yahaan dekhe hain log jalte hue Utaar in men koi apnee raushnee yaa rab Ki log thak ga.e zulmat se ab bahalte hue Vo aa rahe hain zamaane ki tum bhee dekhoge Khudaa ke haath se insaan ko badalte hue Vo sub.h hogee to fir.aun phir na guzrenge Dilon ko raundte insaan ko masalte hue Nigar-e-subh ki ummid mein pighalte hue Charagh KHud ko nahin dekhta hai jalte hue Wo husn us ka bayan kya kare jo dekhta ho Har ek ada ke kai qad nae nikalte hue Wo mauj-e-mai-kada-e-rang hai badan us ka Ki hain talatum-e-mai se subu uchhalte hue To zarra zarra us aalam ka hai zuleKHa sifat Chale jo dasht-e-bala mein koi sambhalte hue Ye ruh khinchti chali ja rahi hai kis ki taraf Ye panw kyun nahin thakte hamare chalte hue Usi ke nam ki KHushbu se sans chalti rahe Usi ka nam zaban par ho dam nikalte hue KHayal o KHwab ke kya kya na silsile nikle Charagh jalte hue aaftab Dhalte hue Andhere hain yahan suraj ke nam par raushan Ujalon se yahan dekhe hain log jalte hue Utar in mein koi apni raushni ya rab Ki log thak gae zulmat se ab bahalte hue Wo aa rahe hain zamane ki tum bhi dekhoge KHuda ke hath se insan ko badalte hue Wo subh hogi to firaun phir na guzrenge Dilon ko raundte insan ko masalte hue