niind aankhon se udii phuul se khushbuu ki tarah

Niind aankhon se uDee phuul se khushboo kee tarah Jee bahal jaa.egaa shab se tire gesoo kee tarah Dosto jashn manaao ki bahaar aa.ee hai Phuul girte hain har ik shaakh se aansoo kee tarah Meree aashuftagee-e-shauq men ik husn bhee hai Tere aariz pe machalte hue gesoo kee tarah Ab tire hijr men lazzat na tire vasl men lutf In dinon ziist hai Thahre hue aansoo kee tarah Zindagee kee yahee qeemat hai ki arzaan ho jaao Naghma-e-dard liye mauja-e-khushboo kee tarah Kis ko ma.aloom nahin kaun thaa wo shakhs 'aleem' Jis kee khaatir rahe aavaara ham aahoo kee tarah Nind aankhon se uDi phul se KHushbu ki tarah Ji bahal jaega shab se tere gesu ki tarah Dosto jashn manao ki bahaar aai hai Phul girte hain har ek shaKH se aansu ki tarah Meri aashuftagi-e-shauq mein ek husn bhi hai Tere aariz pe machalte hue gesu ki tarah Ab tere hijr mein lazzat na tere wasl mein lutf In dinon zist hai Thahre hue aansu ki tarah Zindagi ki yahi qimat hai ki arzan ho jao Naghma-e-dard liye mauja-e-KHushbu ki tarah Kis ko malum nahin kaun tha wo shaKHs 'alim' Jis ki KHatir rahe aawara hum aahu ki tarah