numuu

Main wo shajar tha Ki mere saa.e men baiThne aur shaakhon pe jhoolne kee hazaaron jismon ko aarzoo thee Zameen kee aankhen daraazi-e-umar kee duaaon men ro rahi thiin Aur suraj ke haath thakte nahin the mujh ko sanvaarne men Ki main ik awaaz kaa safar tha Ajab shajar tha Ki us musaafir kaa muntazir tha Jo mere saa.e men aa ke baiThe to phir na uTThe Jo meree shaakhon pe aa.e jhoole to saare mausam yaheen guzaare Magar wo paagal havaa kaa jhonkaa magar wo paagal havaa kaa jhonkaa Ajab musaafir tha rahguzar kaa Jo chhoD aayaa tha kitnee shaakhen Magar lagaa yuun ki jaise ab wo shikasta-tar hai Vo mere khawabon kaa ham-safar hai So main ne saa.e bichhaa diye the Tamaam jhoole hilaa diye the Magar wo paagal havaa kaa jhonkaa magar wo paagal havaa kaa jhonkaa Ajab musaafir tha rahguzar tha Ki lamhe bhar men guzar chukaa tha Main be-numoo aur be-samar tha Magar main awaaz kaa safar tha So meree awaaz kaa ajar tha Ajab shajar tha Ajab shajar hoon Ki aane vaale sah kah raha hoon Ai mere dil men utarne vaale Ai mujh ko shaadaab karne vaale Tujhe miree raushnee mubaarak Tujhe miree zindagee mubaarak Main wo shajar tha Ki mere sae mein baiThne aur shaKHon pe jhulne ki hazaron jismon ko aarzu thi Zamin ki aankhen daraazi-e-umar ki duaon mein ro rahi thin Aur suraj ke hath thakte nahin the mujh ko sanwarne mein Ki main ek aawaz ka safar tha Ajab shajar tha Ki us musafir ka muntazir tha Jo mere sae mein aa ke baiThe to phir na uTThe Jo meri shaKHon pe aae jhule to sare mausam yahin guzare Magar wo pagal hawa ka jhonka magar wo pagal hawa ka jhonka Ajab musafir tha rahguzar ka Jo chhoD aaya tha kitni shaKHen Magar laga yun ki jaise ab wo shikasta-tar hai Wo mere KHwabon ka ham-safar hai So main ne sae bichha diye the Tamam jhule hila diye the Magar wo pagal hawa ka jhonka magar wo pagal hawa ka jhonka Ajab musafir tha rahguzar tha Ki lamhe bhar mein guzar chuka tha Main be-numu aur be-samar tha Magar main aawaz ka safar tha So meri aawaz ka ajar tha Ajab shajar tha Ajab shajar hun Ki aane wale sah kah raha hun Ai mere dil mein utarne wale Ai mujh ko shadab karne wale Tujhe meri raushni mubarak Tujhe meri zindagi mubarak