saahib e mehr o wafa arz o samaa kyuun chup hai

Saahib-e-mehr-o-wafa arz-o-samaa kyuun chup hai Ham pe to vaqt ke pahre hain khuda kyuun chup hai Be-sabab gham men sulagnaa miree aadat hee sahee Saaz khaamosh hai kyuun shola-navaa kyuun chup hai Phuul to sahm ga.e dast-e-karam se dam-e-sub.h Gungunaatee huee aavaara sabaa kyuun chup hai Khatm hogaa na kabhi silsila-e-ahl-e-wafa Soch ai daavar-e-maqtal ye fazaa kyuun chup hai Mujh pe taaree hai rah-e-ishq kee aasooda thakan Tujh pe kya guzree mire chaand bataa kyuun chup hai Jaanne vaale to sab jaan ga.e honge 'aleem' Ek muddat se tiraa zehn-e-rasaa kyuun chup hai Sahib-e-mehr-o-wafa arz-o-sama kyun chup hai Hum pe to waqt ke pahre hain KHuda kyun chup hai Be-sabab gham mein sulagna meri aadat hi sahi Saz KHamosh hai kyun shola-nawa kyun chup hai Phul to sahm gae dast-e-karam se dam-e-subh Gungunati hui aawara saba kyun chup hai KHatm hoga na kabhi silsila-e-ahl-e-wafa Soch ai dawar-e-maqtal ye faza kyun chup hai Mujh pe tari hai rah-e-ishq ki aasuda thakan Tujh pe kya guzri mere chand bata kyun chup hai Jaanne wale to sab jaan gae honge 'alim' Ek muddat se tera zehn-e-rasa kyun chup hai