shikasta haal saa be aasraa saa lagtaa hai

Shikasta-haal saa be-aasraa saa lagtaa hai Ye shahr dil se ziyaada dukhaa saa lagtaa hai Har ik ke saath koi vaaqi.a saa lagtaa hai Jise bhee dekho wo khoyaa huaa saa lagtaa hai Zameen hai so wo apnee gardishon men kaheen Jo chaand hai so wo TuuTaa huaa saa lagtaa hai Mere vatan pe utarte hue andheron ko Jo tum kaho mujhe qahr-e-khuda saa lagtaa hai Jo shaam aa.ee to phir shaam kaa lagaa darbaar Jo din huaa to wo din karbalaa saa lagtaa hai Ye raat khaa ga.ee ik ek kar ke saare charaagh Jo rah gaya hai wo bujhtaa huaa saa lagtaa hai Duaa karo ki main us ke liye duaa ho jaaon Vo ek shakhs jo dil ko duaa saa lagtaa hai To dil men bujhne see lagtee hai kaa.enaat tamaam Kabhee kabhi jo mujhe too bujhaa saa lagtaa hai Jo aa rahi hai sadaa ghaur se suno us ko Ki is sadaa men khuda boltaa saa lagtaa hai Abhee khareed len dunya kahaan kee mahngee hai Magar zameer kaa sauda buraa saa lagtaa hai Ye maut hai yaa koi aakhiree visaal ke ba.ad Ajab sukoon men soyaa huaa saa lagtaa hai Havaa-e-rang-e-do-aalam men jaagtee huee lai 'aleem' hee kaheen naghma-saraa saa lagtaa hai Shikasta-haal sa be-asra sa lagta hai Ye shahr dil se ziyaada dukha sa lagta hai Har ek ke sath koi waqia sa lagta hai Jise bhi dekho wo khoya hua sa lagta hai Zamin hai so wo apni gardishon mein kahin Jo chand hai so wo TuTa hua sa lagta hai Mere watan pe utarte hue andheron ko Jo tum kaho mujhe qahr-e-KHuda sa lagta hai Jo sham aai to phir sham ka laga darbar Jo din hua to wo din karbala sa lagta hai Ye raat kha gai ek ek kar ke sare charagh Jo rah gaya hai wo bujhta hua sa lagta hai Dua karo ki main us ke liye dua ho jaun Wo ek shaKHs jo dil ko dua sa lagta hai To dil mein bujhne si lagti hai kaenat tamam Kabhi kabhi jo mujhe tu bujha sa lagta hai Jo aa rahi hai sada ghaur se suno us ko Ki is sada mein KHuda bolta sa lagta hai Abhi KHarid len duniya kahan ki mahngi hai Magar zamir ka sauda bura sa lagta hai Ye maut hai ya koi aaKHiri visal ke baad Ajab sukun mein soya hua sa lagta hai Hawa-e-rang-e-do-alam mein jagti hui lai 'alim' hi kahin naghma-sara sa lagta hai