sukhan men sahl nahin jaan nikaal kar rakhnaa

Sukhan men sahl nahin jaan nikaal kar rakhnaa Ye zindagee hai hamaaree sambhaal kar rakhnaa Khulaa ki ishq nahin hai Kuch aur is ke sivaa Razaa-e-yaar jo ho apna haal kar rakhnaa Usee kaa kaam hai farsh-e-zameen bichhaa denaa Usee kaa kaam sitaare uchhaal kar rakhnaa Usee kaa kaam hai is dukh-bhare zamaane men Mohabbaton se mujhe maalaa-maal kar rakhnaa Bas ek kaifiyat-e-dil men bolte rahnaa Bas ek nashshe men khud ko nihaal kar rakhnaa Bas ek qaamat-e-zebaa ke khvaab men rahnaa Basaa ek shakhs ko hadd-e-misaal kar rakhnaa Guzarnaa husn kee nazzaargee se pal-bhar ko Phir us ko zaa.iqa-e-laa-zavaal kar rakhnaa Kisee ke bas men nahin thaa kisee ke bas men nahin Bulandiyon ko sadaa paa.emaal kar rakhnaa SuKHan mein sahl nahin jaan nikal kar rakhna Ye zindagi hai hamari sambhaal kar rakhna Khula ki ishq nahin hai Kuch aur is ke siwa Raza-e-yar jo ho apna haal kar rakhna Usi ka kaam hai farsh-e-zamin bichha dena Usi ka kaam sitare uchhaal kar rakhna Usi ka kaam hai is dukh-bhare zamane mein Mohabbaton se mujhe mala-mal kar rakhna Bas ek kaifiyat-e-dil mein bolte rahna Bas ek nashshe mein KHud ko nihaal kar rakhna Bas ek qamat-e-zeba ke KHwab mein rahna Basa ek shaKHs ko hadd-e-misal kar rakhna Guzarna husn ki nazzargi se pal-bhar ko Phir us ko zaiqa-e-la-zawal kar rakhna Kisi ke bas mein nahin tha kisi ke bas mein nahin Bulandiyon ko sada paemal kar rakhna