tuu apnii awaaz men gum hai main apnii awaaz men chup

Too apnee awaaz men gum hai main apnee awaaz men chup Donon biich khaDee hai dunya aa.eena-e-alfaaz men chup Avval avval bol rahe the khvaab-bharee hairaanee men Phir ham donon chale ga.e paataal se gahre raaz men chup Khvaab-saraa-e-zaat men zinda ek to soorat aisi hai Jaise koi devee baiThee ho hujra-e-raaz-o-niyaaz men chup Ab koi chhoo ke kyuun nahin aataa udhar sire kaa jeevan-ang Jaante hain par kya batlaa.en lag ga.ee kyuun parvaaz men chup Phir ye khel-tamaashaa sara kis ke liye aur kyuun saahab Jab is ke anjaam men chup hai jab is ke aaghaaz men chup Neend-bharee aankhon se choomaa diye ne suraj ko aur phir Jaise shaam ko ab nahin jalnaa kheench lee is andaaz men chup Ghaib-samay ke gyaan men paagal kitnee taan lagaa.egaa Jitne sur hain saaz se baahar us se ziyaada saaz men chup Tu apni aawaz mein gum hai main apni aawaz mein chup Donon bich khaDi hai duniya aaina-e-alfaz mein chup Awwal awwal bol rahe the KHwab-bhari hairani mein Phir hum donon chale gae patal se gahre raaz mein chup KHwab-sara-e-zat mein zinda ek to surat aisi hai Jaise koi dewi baiThi ho hujra-e-raaz-o-niyaz mein chup Ab koi chhu ke kyun nahin aata udhar sire ka jiwan-ang Jaante hain par kya batlaen lag gai kyun parwaz mein chup Phir ye khel-tamasha sara kis ke liye aur kyun sahab Jab is ke anjam mein chup hai jab is ke aaghaz mein chup Nind-bhari aankhon se chuma diye ne suraj ko aur phir Jaise sham ko ab nahin jalna khinch li is andaz mein chup Ghaib-samay ke gyan mein pagal kitni tan lagaega Jitne sur hain saz se bahar us se ziyaada saz mein chup