vahshat usii se phir bhi vahii yaar dekhnaa

Vahshat usee se phir bhee vahee yaar dekhnaa Paagal ko jaise chaand kaa deedaar dekhnaa Is hijratee ko kaam huaa hai ki raat din Bas wo charaagh aur wo deevaar dekhnaa Paanv men ghoomtee hai zameen aasmaan talak Is tifl-e-sheer-khvaar kee raftaar dekhnaa Yaa-rab koi sitaara-e-ummeed phir tuloo Kyaa ho ga.e zameen ke aasaar dekhnaa Lagtaa hai jaise koi valee hai zuhoor men Ab shaam ko kaheen koi mai-khvaar dekhnaa Is vahshatee kaa haal ajab hai ki us taraf Jaanaa bhee aur jaanib-e-pindaar dekhnaa Dekhaa tha khvaab shaa.er-e-momin ne is liye Ta.abeer men milaa hamen talvaar dekhnaa Jo dil ko hai khabar kaheen miltee nahin khabar Har sub.h ik azaab hai akhbaar dekhnaa Main ne sunaa hai qurb-e-qayaamat kaa hai nishaan Be-qaamatee pe jubba-o-dastaar dekhnaa Sadiyaan guzar rahi hain magar raushnee vahee Ye sar hai yaa charaagh sar-e-daar dekhnaa Is qaafile ne dekh liyaa karbalaa kaa din Ab rah gaya hai shaam kaa baazaar dekhnaa Do chaar ke sivaa yahaan likhtaa ghazal hai kaun Ye kaun hain ye kis ke taraf-daar dekhnaa Wahshat usi se phir bhi wahi yar dekhna Pagal ko jaise chand ka didar dekhna Is hijrati ko kaam hua hai ki raat din Bas wo charagh aur wo diwar dekhna Panw mein ghumti hai zamin aasman talak Is tifl-e-shir-KHwar ki raftar dekhna Ya-rab koi sitara-e-ummid phir tulu Kya ho gae zamin ke aasar dekhna Lagta hai jaise koi wali hai zuhur mein Ab sham ko kahin koi mai-KHwar dekhna Is wahshati ka haal ajab hai ki us taraf Jaana bhi aur jaanib-e-pindar dekhna Dekha tha KHwab shaer-e-momin ne is liye Tabir mein mila hamein talwar dekhna Jo dil ko hai KHabar kahin milti nahin KHabar Har subh ek azab hai aKHbar dekhna Main ne suna hai qurb-e-qayamat ka hai nishan Be-qamati pe jubba-o-dastar dekhna Sadiyan guzar rahi hain magar raushni wahi Ye sar hai ya charagh sar-e-dar dekhna Is qafile ne dekh liya karbala ka din Ab rah gaya hai sham ka bazar dekhna Do chaar ke siwa yahan likhta ghazal hai kaun Ye kaun hain ye kis ke taraf-dar dekhna