viiraan saraae kaa diyaa hai

Veeraan saraa.e kaa diyaa hai Jo kaun-o-makaan men jal raha hai Ye kaisee bichhaDne kee sazaa hai Aa.eene men chehra rakh gaya hai Khursheed misaal shakhs kal shaam MiTTee ke supurd kar diyaa hai Tum mar ga.e hausla tumhaaraa Zinda hoon ye meraa hausla hai Andar bhee zameen ke raushnee ho MiTTee men charaagh rakh diyaa hai Main kaun saa khvaab dekhtaa hoon Ye kaun se mulk kee fazaa hai Vo kaun saa haath hai ki jis ne Mujh aag ko khaak se likhaa hai Rakkhaa thaa khalaa men paanv main ne Raste men sitaara aa gaya hai Shaayad ki khuda men aur mujh men Ik jast kaa aur faasla hai Gardish men hain kitnee kaa.enaaten Bachcha miraa paanv chal raha hai Viran sarae ka diya hai Jo kaun-o-makan mein jal raha hai Ye kaisi bichhaDne ki saza hai Aaine mein chehra rakh gaya hai KHurshid misal shaKHs kal sham MiTTi ke supurd kar diya hai Tum mar gae hausla tumhaara Zinda hun ye mera hausla hai Andar bhi zamin ke raushni ho MiTTi mein charagh rakh diya hai Main kaun sa KHwab dekhta hun Ye kaun se mulk ki faza hai Wo kaun sa hath hai ki jis ne Mujh aag ko KHak se likha hai Rakkha tha KHala mein panw main ne Raste mein sitara aa gaya hai Shayad ki KHuda mein aur mujh mein Ek jast ka aur fasla hai Gardish mein hain kitni kaenaten Bachcha mera panw chal raha hai