visaaliya

Sab baarishen ho ke tham chukee thiin Roohon men dhanak utar rahi thee Main khvaab men baat kar raha tha Vo niind men pyaar kar rahi thee Ahvaal hee aur ho rahe the Lazzat men visaal ro rahe the Boson men dhule-dhulaa.e donon Nashshe men lipaT ke so rahe the ChhoTaa saa haseen saa wo kamra Ik aalam-e-khvaab ho raha tha Khushboo se gulaab ho raha tha Mastee se sharaab ho raha tha Vo Chaaon saa chaandnee saa bistar Ham rang nahaa rahe the jis par Yuun tha ki ham apnee zaat ke andar The apna hee ek aur manzar Sairaab mohabbaton ke dhaare Baaham the vajood ke kinaare Mauzoo-e-sukhan, sukhan the saare Aalam hee ajiib the hamaare Jaage wo lahoo men silsile phir Tan man ke vahee the zaa.iqe phir Tham tham ke baras baras ga.e phir Paataal tak ho ga.e hare phir Jaaree tha wo raqs-e-ham-kinaaree Niklee na.ee sub.h kee savaaree Aisaa lagaa kaa.enaat saaree Is aan to hai faqat hamaaree Jab chaand miraa nahaa ke niklaa Main dil ko diyaa banaa ke niklaa Kashkol-e-duaa uThaa ke niklaa Shaa.er tha sadaa lagaa ke niklaa Dariyaa wo samundaron se gahre Vo khvaab gulaab aise chehre Sab zaaviyon ho ga.e sunahre Aa.eenon men jab wo aa ke Thahre Sab barishen ho ke tham chuki thin Ruhon mein dhanak utar rahi thi Main KHwab mein baat kar raha tha Wo nind mein pyar kar rahi thi Ahwal hi aur ho rahe the Lazzat mein visal ro rahe the Boson mein dhule-dhulae donon Nashshe mein lipaT ke so rahe the ChhoTa sa hasin sa wo kamra Ek aalam-e-KHwab ho raha tha KHushbu se gulab ho raha tha Masti se sharab ho raha tha Wo chhanw sa chandni sa bistar Hum rang naha rahe the jis par Yun tha ki hum apni zat ke andar The apna hi ek aur manzar Sairab mohabbaton ke dhaare Baham the wajud ke kinare Mauzu-e-suKHan, suKHan the sare Aalam hi ajib the hamare Jage wo lahu mein silsile phir Tan man ke wahi the zaiqe phir Tham tham ke baras baras gae phir Patal tak ho gae hare phir Jari tha wo raqs-e-ham-kinari Nikli nai subh ki sawari Aisa laga kaenat sari Is aan to hai faqat hamari Jab chand mera naha ke nikla Main dil ko diya bana ke nikla Kashkol-e-dua uTha ke nikla Shaer tha sada laga ke nikla Dariya wo samundaron se gahre Wo KHwab gulab aise chehre Sab zawiyon ho gae sunahre Aainon mein jab wo aa ke Thahre