yaad
— Obaidullah Aleem
Kabhi kabhi koi yaad
Koee bahut puraanee yaad
Dil ke darvaaze par
Aise dastak detee hai
Shaam ko jaise taaraa nikle
Sub.h ko jaise phuul
Jaise dheere dheere zameen par
Raushniyon kaa nuzool
Jaise ruuh kee pyaas bujhaane
Utre koi rasool
Jaise rote rote achaanak
Hans de koi malool
Kabhee kabhi koi yaad koi bahut puraanee yaad
Dil ke darvaaze par aise dastak detee hai
Kabhi kabhi koi yaad
Koi bahut purani yaad
Dil ke darwaze par
Aise dastak deti hai
Sham ko jaise tara nikle
Subh ko jaise phul
Jaise dhire dhire zamin par
Raushniyon ka nuzul
Jaise ruh ki pyas bujhane
Utre koi rasul
Jaise rote rote achanak
Hans de koi malul
Kabhi kabhi koi yaad koi bahut purani yaad
Dil ke darwaze par aise dastak deti hai