ye aur baat ki is ahd ki nazar men hoon

Ye aur baat ki is ahd kee nazar men hoon Abhee main kya ki abhee manzil-e-safar men hoon Abhee nazar nahin aisi ki duur tak dekhoon Abhee khabar nahin mujh ko ki kis asar men hoon Pighal rahe hain jahaan log sho.ala-e-jaan se Shareek main bhee isee mahfil-e-hunar men hoon Jo chaahe sajda guzaare jo chaahe Thukraa de PaDaa huaa main zamaane kee rahguzar men hoon Jo saaya ho to Daroon aur dhoop ho to jaloon Ki ek nakhl-e-numoo khaak-e-nauha-gar men hoon Kiran kiran kabhi khursheed ban ke nikloongaa Abhee charaagh kee soorat men apne ghar men hoon BichhaD ga.ee hai wo khushboo ujaD gaya hai wo rang Bas ab to khvaab saa Kuch apnee chashm-e-tar men hoon Ye aur baat ki is ahd ki nazar mein hun Abhi main kya ki abhi manzil-e-safar mein hun Abhi nazar nahin aisi ki dur tak dekhun Abhi KHabar nahin mujh ko ki kis asar mein hun Pighal rahe hain jahan log shoala-e-jaan se Sharik main bhi isi mahfil-e-hunar mein hun Jo chahe sajda guzare jo chahe Thukra de PaDa hua main zamane ki rahguzar mein hun Jo saya ho to Darun aur dhup ho to jalun Ki ek naKHl-e-numu KHak-e-nauha-gar mein hun Kiran kiran kabhi KHurshid ban ke niklunga Abhi charagh ki surat mein apne ghar mein hun BichhaD gai hai wo KHushbu ujaD gaya hai wo rang Bas ab to KHwab sa Kuch apni chashm-e-tar mein hun