zameen jab bhi huii karbalaa hamaare liye

Zameen jab bhee huee karbalaa hamaare liye To aasmaan se utraa khuda hamaare liye Unhen ghuroor ki rakhte hain taaqat o kasrat Hamen ye naaz bahut hai khuda hamaare liye Tumhaare naam pe jis aag men jalaa.e ga.e Vo aag phuul hai wo keemiyaa hamaare liye Bas ek lau men usee lau ke gird ghoomte hain Jalaa rakhaa hai jo us ne diyaa hamaare liye Vo jis pe raat sitaare liye utartee hai Vo ek shakhs duaa hee duaa hamaare liye Vo nuur nuur damaktaa huaa saa ik chehraa Vo aa.inon men hayaa hee hayaa hamaare liye Darood paDhte hue us kee diid ko niklen To sub.h phuul bichhaa.e sabaa hamaare liye Ajiib kaifiyat-e-jazb-o-haal rakhtee hai Tumhaare shahr kee aab-o-havaa hamaare liye Diye jalaa.e hue saath saath rahtee hai Tumhaaree yaad tumhaaree duaa hamaare liye Zameen hai na zamaan niind hai na be-daaree Vo Chaaon Chaaon saa ik silsila hamaare liye Sukhan-varon men kaheen ek ham bhee the lekin Sukhan kaa aur hee thaa zaa.iqa hamaare liye Zamin jab bhi hui karbala hamare liye To aasman se utra KHuda hamare liye Unhen ghurur ki rakhte hain taqat o kasrat Hamein ye naz bahut hai KHuda hamare liye Tumhaare nam pe jis aag mein jalae gae Wo aag phul hai wo kimiya hamare liye Bas ek lau mein usi lau ke gird ghumte hain Jala rakha hai jo us ne diya hamare liye Wo jis pe raat sitare liye utarti hai Wo ek shaKHs dua hi dua hamare liye Wo nur nur damakta hua sa ek chehra Wo aainon mein haya hi haya hamare liye Darud paDhte hue us ki did ko niklen To subh phul bichhae saba hamare liye Ajib kaifiyat-e-jazb-o-haal rakhti hai Tumhaare shahr ki aab-o-hawa hamare liye Diye jalae hue sath sath rahti hai Tumhaari yaad tumhaari dua hamare liye Zamin hai na zaman nind hai na be-dari Wo chhanw chhanw sa ek silsila hamare liye SuKHan-waron mein kahin ek hum bhi the lekin SuKHan ka aur hi tha zaiqa hamare liye