aaj ki shab to kisi taur guzar jaaegii aaj ki shab to kisi taur guzar jaaegii

Aaj kee shab to kisee taur guzar jaa.egee Raat gahree hai magar chaand chamaktaa hai abhee Mere maathe pe tiraa pyaar damaktaa hai abhee Meree saanson men tiraa lams mahaktaa hai abhee Mere siine men tiraa naam dhaDaktaa hai abhee Ziist karne ko mire paas bahut kuch hai abhee Teree awaaz kaa jaadoo hai abhee mere liye Tere malboos kee khushboo hai abhee mere liye Teree baanhen tiraa pahloo hai abhee mere liye Sab se baDh kar miree jaan too hai abhee mere liye Ziist karne ko mire paas bahut kuch hai abhee Aaj kee shab to kisee taur guzar jaa.egee! Aaj ke ba.ad magar rang-e-wafa kya hogaa Ishq hairaan hai sar-e-shahr-e-sabaa kya hogaa Mere qaatil tiraa andaaz-e-jafaa kya hogaa! Aaj kee shab to bahut kuch hai magar kal ke liye Ek andesha-e-be-naam hai aur kuch bhee nahin Dekhnaa ye hai ki kal tujh se mulaaqaat ke ba.ad Rang-e-ummeed khilegaa ki bikhar jaa.egaa Vaqt parvaaz karegaa ki Thahar jaa.egaa Jiit ho jaa.egee yaa khel bigaD jaa.egaa Khvaab kaa shahr rahegaa ki ujaD jaa.egaa Aaj ki shab to kisi taur guzar jaegi Raat gahri hai magar chand chamakta hai abhi Mere mathe pe tera pyar damakta hai abhi Meri sanson mein tera lams mahakta hai abhi Mere sine mein tera nam dhaDakta hai abhi Zist karne ko mere pas bahut kuch hai abhi Teri aawaz ka jadu hai abhi mere liye Tere malbus ki KHushbu hai abhi mere liye Teri banhen tera pahlu hai abhi mere liye Sab se baDh kar meri jaan tu hai abhi mere liye Zist karne ko mere pas bahut kuch hai abhi Aaj ki shab to kisi taur guzar jaegi! Aaj ke baad magar rang-e-wafa kya hoga Ishq hairan hai sar-e-shahr-e-saba kya hoga Mere qatil tera andaz-e-jafa kya hoga! Aaj ki shab to bahut kuch hai magar kal ke liye Ek andesha-e-be-nam hai aur kuch bhi nahin Dekhna ye hai ki kal tujh se mulaqat ke baad Rang-e-ummid khilega ki bikhar jaega Waqt parwaz karega ki Thahar jaega Jit ho jaegi ya khel bigaD jaega KHwab ka shahr rahega ki ujaD jaega