ab bhalaa chhod ke ghar kya karte
— Parveen Shakir
Ab bhalaa chhoD ke ghar kya karte
Shaam ke vaqt safar kya karte
Teree masroofiyaten jaante hain
Apne aane kee khabar kya karte
Jab sitaare hee naheen mil paa.e
Le ke ham shams-o-qamar kya karte
Wo musaafir hee khulee dhoop kaa thaa
Saa.e phailaa ke shajar kya karte
Khaak hee avval o aakhir Thahree
Kar ke zarre ko guhar kya karte
Raa.e pahle se banaa lee too ne
Dil men ab ham tire ghar kya karte
Ishq ne saare saleeqe bakhshe
Husn se kasb-e-hunar kya karte