ab itnii saadgii laaen kahaan se

Ab itnee saadgee laa.en kahaan se Zameen kee khair maangen aasmaan se Agar chaahen to wo deevaar kar den Hamen ab kuch nahin kahnaa zabaan se Sitaara hee nahin jab saath deta To kashtee kaam le kya baadbaan se BhaTakne se mile fursat to poochhen Pataa manzil kaa meer-e-kaarvaan se Tavajjoh barq kee haasil rahi hai So hai aazaad fikr-e-aashiyaan se Havaa ko raaz-daan ham ne banaayaa Aur ab naaraaz khushboo ke bayaan se Zarooree ho ga.ee hai dil kee zeenat Makeen pahchaane jaate hain makaan se Fanaa-fil-ishq honaa chaahte the Magar fursat na thee kaar-e-jahaan se Vagarna fasl-e-gul kee qadr kya thee BaDee hikmat hai vaabasta khizaan se Kisee ne baat kee thee hans ke shaayad Zamaane bhar se hain ham khud gumaan se Main ik ik tiir pe khud Dhaal bantee Agar hota wo dushman kee kamaan se Jo sabza dekh kar kheme lagaa.en Unhen takleef kyuun pahunche khizaan se Jo apne peD jalte chhoD jaa.en Unhen kya haq ki rooThen baaghbaan se Ab itni sadgi laen kahan se Zamin ki KHair mangen aasman se Agar chahen to wo diwar kar den Hamein ab kuch nahin kahna zaban se Sitara hi nahin jab sath deta To kashti kaam le kya baadban se BhaTakne se mile fursat to puchhen Pata manzil ka mir-e-karwan se Tawajjoh barq ki hasil rahi hai So hai aazad fikr-e-ashiyan se Hawa ko raaz-dan hum ne banaya Aur ab naraaz KHushbu ke bayan se Zaruri ho gai hai dil ki zinat Makin pahchane jate hain makan se Fana-fil-ishq hona chahte the Magar fursat na thi kar-e-jahan se Wagarna fasl-e-gul ki qadr kya thi BaDi hikmat hai wabasta KHizan se Kisi ne baat ki thi hans ke shayad Zamane bhar se hain hum KHud guman se Main ek ek tir pe KHud Dhaal banti Agar hota wo dushman ki kaman se Jo sabza dekh kar KHeme lagaen Unhen taklif kyun pahunche KHizan se Jo apne peD jalte chhoD jaen Unhen kya haq ki ruThen baghban se