agarche tujh se bahut ikhtilaaf bhi na huaa

Agarche tujh se bahut ikhtilaaf bhee na huaa Magar ye dil tiree jaanib se saaf bhee na huaa Ta.alluqaat ke barzakh men hee rakhaa mujh ko Wo mere haq men na thaa aur khilaaf bhee na huaa Ajab thaa jurm-e-mohabbat ki jis pe dil ne mire Sazaa bhee paa.ee nahin aur muaaf bhee na huaa Malaamaton men kahaan saans le sakenge wo log Ki jin se koo-e-jafaa kaa tavaaf bhee na huaa Ajab nahin hai ki dil par jamee milee kaa.ee Bahut dinon se to ye hauz saaf bhee na huaa Havaa-e-dahr hamen kis liye bujhaatee hai Hamen to tujh se kabhi ikhtilaaf bhee na huaa