dil kaa kya hai wo to chaahegaa musalsal milnaa
— Parveen Shakir
Dil kaa kya hai wo to chaahegaa musalsal milnaa
Wo sitamgar bhee magar soche kisee pal milnaa
Vaan naheen vaqt to ham bhee hain adeem-ul-fursat
Us se kya miliye jo har roz kahe kal milnaa
Ishq kee rah ke musaafir kaa muqaddar ma.aloom
Shahr kee soch men ho aur use jangal milnaa
Us kaa milnaa hai ajab tarah kaa milnaa jaise
Dasht-e-ummeed men andeshe kaa baadal milnaa
Daaman-e-shab ko agar chaak bhee kar liin to kahaan
Nuur men Duubaa huaa sub.h kaa aanchal milnaa