fabe ayye aalaaye rabbikumaa tukazzibaan

Dil-aazaaree bhee ik fan hai Aur kuch log to Saaree zindagee isee kee roTee khaate hain Chaahe un kaa burj koi ho Aqrab hee lagte hain Teesre darje ke piile akhbaaron par ye Apnee yarqaanee sochon se Aur bhee zardee malte rahte hain Maalaa baaree cabin hon yaa paanch sitaara hotel Kaheen bhee qai karne se baaz nahin aate Uupar se is amal ko Fiqre-baazee kahte hain Jis kaa pahlaa nishaana umooman Bill ko adaa karne vaalaa saathee hota hai! Apne apne kunven ko bahr-e-aazam kahne aur samajhne vaale Ye nanhe menDak Har haathee ko dekh ke phoolne lage hain Aur jab phaTne vaale hon to Haathee kee aankhon par phabtee kasne lage hain Kavve bhee anDe khaane ke shauq ko apne Faakhta ke ghar jaa kar puuraa karte hain Lekin ye wo saanp hain jo ki Apne bachche Khud hee chaT kar jaate hain Kabhee kabhi main sochtee hoon ki Saanpon kee ye khaslat Maalik-e-jinn-o-ins ki, insaanon ke haq men Kaisee be-paayaan rahmat hai! Dil-azari bhi ek fan hai Aur kuch log to Sari zindagi isi ki roTi khate hain Chahe un ka burj koi ho Aqrab hi lagte hain Tisre darje ke pile aKHbaron par ye Apni yarqani sochon se Aur bhi zardi malte rahte hain Mala bari cabin hon ya panch sitara hotel Kahin bhi qai karne se baz nahin aate Upar se is amal ko Fiqre-bazi kahte hain Jis ka pahla nishana umuman Bill ko ada karne wala sathi hota hai! Apne apne kunwen ko bahr-e-azam kahne aur samajhne wale Ye nanhe meinDak Har hathi ko dekh ke phulne lage hain Aur jab phaTne wale hon to Hathi ki aankhon par phabti kasne lage hain Kawwe bhi anDe khane ke shauq ko apne FaKHta ke ghar ja kar pura karte hain Lekin ye wo sanp hain jo ki Apne bachche KHud hi chaT kar jate hain Kabhi kabhi main sochti hun ki Sanpon ki ye KHaslat Malik-e-jinn-o-ins ki, insanon ke haq mein Kaisi be-payan rahmat hai!