farog farrukh zaad ke liye ek nazm musaahib e shaah se kaho ki

Musaahib-e-shaah se kaho ki Faqeeh-e-aazam bhee aaj tasdeeq kar ga.e hain Ki fasl phir se gunaahgaaron kee pak ga.ee hai Huzoor kee jumbish-e-nazar ke Tamaam jallaad muntazir hain Ki kaun see had janaab jaaree karen To taameel-e-bandagee ho Kahaan pe sar aur kahaan pe dastaar utaarnaa ahsan-ul-amal hai Kahaan pe haathon kahaan zabaanon ko qat.a keejiye Kahaan pe darvaaza rizq kaa band karnaa hogaa Kahaan pe aasaa.ishon kee bhookon ko maar diije Kahaan baTegee luaan kee chhooT Aur kahaan par Rajm ke ahkaam jaaree honge Kahaan pe nau saala bachchiyaan chahal saala mardon ke saath Sangeen men pirone kaa hukm hogaa Kahaan pe iqbaalee mulzimon ko Kisee tarah shak kaa faa.eda ho Kahaan pe maasoom daar par kheenchnaa paDegaa Huzoor ahkaam jo bhee jaaree karenge Faqat iltijaa ye hogee Ki apne irshaad-e-aaliya ko Zabaanee rakhen Vagarna Qaanoonee uljhanen hain! Musahib-e-shah se kaho ki Faqih-e-azam bhi aaj tasdiq kar gae hain Ki fasl phir se gunahgaron ki pak gai hai Huzur ki jumbish-e-nazar ke Tamam jallad muntazir hain Ki kaun si had janab jari karen To tamil-e-bandagi ho Kahan pe sar aur kahan pe dastar utarna ahsan-ul-amal hai Kahan pe hathon kahan zabanon ko qata kijiye Kahan pe darwaza rizq ka band karna hoga Kahan pe aasaishon ki bhukon ko mar dije Kahan baTegi luan ki chhuT Aur kahan par Rajm ke ahkaam jari honge Kahan pe nau sala bachchiyan chahal sala mardon ke sath Sangin mein pirone ka hukm hoga Kahan pe iqbaali mulzimon ko Kisi tarah shak ka faeda ho Kahan pe masum dar par khinchna paDega Huzur ahkaam jo bhi jari karenge Faqat iltija ye hogi Ki apne irshad-e-aliya ko Zabani rakhen Wagarna Qanuni uljhanen hain!