ham ne hi lautne kaa iraada nahin kiyaa

Ham ne hee lauTne kaa iraada nahin kiyaa Us ne bhee bhuul jaane kaa va.ada nahin kiyaa Dukh oDhte nahin kabhi bazm-e-tarab men ham Malboos-e-dil ko tan kaa labaada nahin kiyaa Jo gham milaa hai bojh uThaayaa hai us kaa khud Sar zer-e-baar-e-saaghar-o-baada nahin kiyaa Kaar-e-jahaan hamen bhee bahut the safar kee shaam Us ne bhee iltifaat ziyaada nahin kiyaa Aamad pe teree itr o charaagh o suboo na hon Itnaa bhee bood-o-baash ko saada nahin kiyaa