harf e taaza naii khushbuu men likhaa chaahtaa hai

Harf-e-taaza na.ee khushboo men likhaa chaahtaa hai Baab ik aur mohabbat kaa khulaa chaahtaa hai Ek lamhe kee tavajjoh naheen haasil us kee Aur ye dil ki use had se sivaa chaahtaa hai Ik hijaab-e-tah-e-iqraar hai maane varna Gul ko maaloom hai kya dast-e-sabaa chaahtaa hai Ret hee ret hai is dil men musaafir mere Aur ye sahraa tiraa naqsh-e-kaf-e-paa chaahtaa hai Yahee khaamoshee ka.ee rang men zaahir hogee Aur Kuch roz ki wo shokh khulaa chaahtaa hai Raat ko maan liyaa dil ne muqaddar lekin Raat ke haath pe ab koee diyaa chaahtaa hai Tere paimaane men gardish naheen baaqee saaqee Aur tiree bazm se ab koee uThaa chaahtaa hai