ik hunar thaa kamaal thaa kya thaa
— Parveen Shakir
Ik hunar thaa kamaal thaa kya thaa
Mujh men teraa jamaal thaa kya thaa
Tere jaane pe ab ke Kuch na kahaa
Dil men Dar thaa malaal thaa kya thaa
Barq ne mujh ko kar diyaa raushan
Teraa aks-e-jalaal thaa kya thaa
Ham tak aayaa too bahr-e-lutf-o-karam
Teraa vaqt-e-zavaal thaa kya thaa
Jis ne tah se mujhe uchhaal diyaa
Doobne kaa khayaal thaa kya thaa
Jis pe dil saare ahd bhuul gaya
Bhoolne kaa savaal thaa kya thaa
Titliyaan the ham aur qazaa ke paas
Surkh phoolon kaa jaal thaa kya thaa