itnaa maaluum hai apne bistar pe bahut der se main niim daraaz

Apne bistar pe bahut der se main neem-daraaz Sochtee thee ki wo is waqt kahaan par hogaa Main yahaan hoon magar us koocha-e-rang-o-boo men Roz kee tarah se wo aaj bhee aayaa hogaa Aur jab us ne vahaan mujh ko na paayaa hogaa!? Aap ko ilm hai wo aaj nahin aa.ee hain? Meree har dost se us ne yahee poochhaa hogaa Kyuun nahin aa.ee wo kya baat huee hai aakhir Khud se is baat pe sau baar wo uljhaa hogaa Kal wo aa.egee to main us se nahin boloongaa Aap hee aap ka.ee baar wo rooThaa hogaa Vo nahin hai to bulandee kaa safar kitnaa kaThin SeeDhiyaan chaDhte hue us ne ye sochaa hogaa Raahdaaree men hare lawn men phoolon ke qareeb Us ne har samt mujhe aan ke DhoonDaa hogaa Naam bhoole se jo meraa kaheen aayaa hogaa Ghair-mahsoos tareeqe se wo chaunkaa hogaa Ek jumle ko ka.ee baar sunaayaa hogaa Baat karte hue sau baar wo bhoolaa hogaa Ye jo laDkee na.ee aa.ee hai kaheen wo to nahin Us ne har chehra yahee soch ke dekhaa hogaa Jaan-e-mahfil hai magar aaj faqat mere baghair Haa.e kis darja vahee bazm men tanhaa hogaa Kabhee sannaaTon se vahshat jo huee hogee use Us ne be-saakhta phir mujh ko pukaaraa hogaa Chalte chalte koi maanoos see aahaT paa kar Doston ko bhee kis uzr se rokaa hogaa Yaad kar ke mujhe nam ho ga.ee hongee palken ''aankh men paD gaya kuch'' kah ke ye Taalaa hogaa Aur ghabraa ke kitaabon men jo lee hogee panaah Har satar men miraa chehra ubhar aayaa hogaa Jab milee hogee use meree alaalat kee khabar Us ne aahista se deevaar ko thaamaa hogaa Soch kar ye ki bahal jaa.e pareshaanee-e-dil Yoonhee be-vaj.h kisee shakhs ko rokaa hogaa! Ittifaaqan mujhe us shaam miree dost milee Main ne poochhaa ki suno aa.e the wo? kaise the? Mujh ko poochhaa tha mujhe DhoonDaa tha chaaron jaanib? Us ne ik lamhe ko dekhaa mujhe aur phir hans dee Is hansee men to wo talkhee thee ki is se aage Kyaa kahaa us ne mujhe yaad nahin hai lekin Itnaa ma.aloom hai khawabon kaa bharam Toot gaya! Apne bistar pe bahut der se main nim-daraaz Sochti thi ki wo is waqt kahan par hoga Main yahan hun magar us kucha-e-rang-o-bu mein Roz ki tarah se wo aaj bhi aaya hoga Aur jab us ne wahan mujh ko na paya hoga!? Aap ko ilm hai wo aaj nahin aai hain? Meri har dost se us ne yahi puchha hoga Kyun nahin aai wo kya baat hui hai aaKHir KHud se is baat pe sau bar wo uljha hoga Kal wo aaegi to main us se nahin bolunga Aap hi aap kai bar wo ruTha hoga Wo nahin hai to bulandi ka safar kitna kaThin SiDhiyan chaDhte hue us ne ye socha hoga Rahdari mein hare lawn mein phulon ke qarib Us ne har samt mujhe aan ke DhunDa hoga Nam bhule se jo mera kahin aaya hoga Ghair-mahsus tariqe se wo chaunka hoga Ek jumle ko kai bar sunaya hoga Baat karte hue sau bar wo bhula hoga Ye jo laDki nai aai hai kahin wo to nahin Us ne har chehra yahi soch ke dekha hoga Jaan-e-mahfil hai magar aaj faqat mere baghair Hae kis darja wahi bazm mein tanha hoga Kabhi sannaTon se wahshat jo hui hogi use Us ne be-saKHta phir mujh ko pukara hoga Chalte chalte koi manus si aahaT pa kar Doston ko bhi kis uzr se roka hoga Yaad kar ke mujhe nam ho gai hongi palken Aankh mein paD gaya kuch kah ke ye Tala hoga Aur ghabra ke kitabon mein jo li hogi panah Har satar mein mera chehra ubhar aaya hoga Jab mili hogi use meri alalat ki KHabar Us ne aahista se diwar ko thama hoga Soch kar ye ki bahal jae pareshani-e-dil Yunhi be-wajh kisi shaKHs ko roka hoga! Ittifaqan mujhe us sham meri dost mili Main ne puchha ki suno aae the wo? kaise the? Mujh ko puchha tha mujhe DhunDa tha chaaron jaanib? Us ne ek lamhe ko dekha mujhe aur phir hans di Is hansi mein to wo talKHi thi ki is se aage Kya kaha us ne mujhe yaad nahin hai lekin Itna malum hai KHwabon ka bharam TuT gaya!