judaaii ki pahlii raat

Aankh bojhal hai Magar niind nahin aatee hai Meree gardan men hamaa.il tiree baanhen jo nahin Kisee karvaT bhee mujhe chain nahin paDtaa hai Sard paDtee huee raat Maangne aa.ee hai phir mujh se Tire narm badan kee garmee Aur dareechon se jhijaktee huee aahista havaa Khojtee hai mire gham-khaane men Teree saanson kee gulaabee khushboo! Meraa bistar hee nahin Dil bhee bahut khaalee hai Ik khalaa hai ki miree ruuh men dahshat kee tarah utraa hai Teraa nanhaa saa vajood Kaise us ne mujhe bhar rakkhaa tha Tire hote hue dunya se ta.alluq kee zaroorat hee na thee Saaree vaabastagiyaan tujh se thiin Too miree soch bhi, tasveer bhee aur bolee bhee Main tiree maan, bhee tiree dost bhee ham-jolee bhee Tere jaane pe khulaa Lafz hee koi mujhe yaad nahin Baat karnaa hee mujhe bhuul gaya! Too miree ruuh kaa hissa tha Mire chaaron taraf Chaand kee tarah se raqsaan tha magar Kis qadar jald tiree hastee ne Mire atraaf men suraj kee jagah le lee hai Ab tire gird main raqsinda hoon! Vaqt kaa faisla tha Tire fardaa kee rifaaqat ke liye Meraa imroz akelaa rah jaa.e Mire bachche, mire laal Farz to mujh ko nibhaanaa hai magar Dekh ki kitnee akelee hoon main! Aankh bojhal hai Magar nind nahin aati hai Meri gardan mein hamail teri banhen jo nahin Kisi karwaT bhi mujhe chain nahin paDta hai Sard paDti hui raat Mangne aai hai phir mujh se Tere narm badan ki garmi Aur darichon se jhijakti hui aahista hawa Khojti hai mere gham-KHane mein Teri sanson ki gulabi KHushbu! Mera bistar hi nahin Dil bhi bahut KHali hai Ek KHala hai ki meri ruh mein dahshat ki tarah utra hai Tera nanha sa wajud Kaise us ne mujhe bhar rakkha tha Tere hote hue duniya se talluq ki zarurat hi na thi Sari wabastagiyan tujh se thin Tu meri soch bhi, taswir bhi aur boli bhi Main teri man, bhi teri dost bhi ham-joli bhi Tere jaane pe khula Lafz hi koi mujhe yaad nahin Baat karna hi mujhe bhul gaya! Tu meri ruh ka hissa tha Mere chaaron taraf Chand ki tarah se raqsan tha magar Kis qadar jald teri hasti ne Mere atraf mein suraj ki jagah le li hai Ab tere gird main raqsinda hun! Waqt ka faisla tha Tere farda ki rifaqat ke liye Mera imroz akela rah jae Mere bachche, mere lal Farz to mujh ko nibhana hai magar Dekh ki kitni akeli hun main!