justujuu khoe huon ki umr bhar karte rahe

Justujoo kho.e huon kee umr bhar karte rahe Chaand ke hamraah ham har shab safar karte rahe Raaston kaa ilm thaa ham ko na samton kee khabar Shahr-e-naa-maaloom kee chaahat magar karte rahe Ham ne khud se bhee chhupaayaa aur saare shahr ko Tere jaane kee khabar deevaar-o-dar karte rahe Wo na aa.egaa hamen ma.aloom thaa is shaam bhee Intizaar us kaa magar Kuch soch kar karte rahe Aaj aayaa hai hamen bhee un uDaanon kaa khayaal Jin ko tere zo.am men be-baal-o-par karte rahe