khvaab

Khule paaniyon men ghiree laDkiyaan Narm lahron ke chheenTe uDaatee huee Baat-be-baat hanstee huee Apne khawabon ke shahzaadon kaa tazkira kar rahi thiin Jo khaamosh thiin Un kee aankhon men bhee muskuraahaT kee tahreer thee Un ke honTon ko bhee an-kahe khvaab kaa zaa.iqa choomtaa tha! Aane vaale na.e mausamon ke sabhee pairahan neelmeen ho chuke the! Duur saahil pe baiThee huee ek nannhee see bachchee Hamaaree hansee aur maujon ke aahang se be-khabar Ret se ek nanhaa gharaundaa banaane men masroof thee Aur main sochtee thee Khudaa-yaa! ye ham laDkiyaan Kachchee umron se hee khvaab kyuun dekhnaa chaahtee hain Khvaab kee hukmaraanee men kitnaa tasalsul raha hai! Khule paniyon mein ghiri laDkiyan Narm lahron ke chhinTe uDati hui Baat-be-baat hansti hui Apne KHwabon ke shahzadon ka tazkira kar rahi thin Jo KHamosh thin Un ki aankhon mein bhi muskurahaT ki tahrir thi Un ke honTon ko bhi an-kahe KHwab ka zaiqa chumta tha! Aane wale nae mausamon ke sabhi pairahan nilmin ho chuke the! Dur sahil pe baiThi hui ek nannhi si bachchi Hamari hansi aur maujon ke aahang se be-KHabar Ret se ek nanha gharaunda banane mein masruf thi Aur main sochti thi KHuda-ya! ye hum laDkiyan Kachchi umron se hi KHwab kyun dekhna chahti hain KHwab ki hukmarani mein kitna tasalsul raha hai!