Kuch faisla to ho ki kidhar jaanaa chaahiye
— Parveen Shakir
Kuch faisla to ho ki kidhar jaanaa chaahiye
Paanee ko ab to sar se guzar jaanaa chaahiye
Nashtar-ba-dast shahr se chaaragaree kee lau
Ai zakhm-e-be-kasee tujhe bhar jaanaa chaahiye
Har baar eDiyon pe giraa hai miraa lahoo
Maqtal men ab ba-tarz-e-digar jaanaa chaahiye
Kya chal sakenge jin kaa faqat mas.ala ye hai
Jaane se pahle rakht-e-safar jaanaa chaahiye
Saaraa javaar-bhaaTaa mire dil men hai magar
Ilzaam ye bhee chaand ke sar jaanaa chaahiye
Jab bhee ga.e azaab-e-dar-o-baam thaa vahee
Aakhir ko kitnee der se ghar jaanaa chaahiye
Tohmat lagaa ke maan pe jo dushman se daad le
Aise sukhan-farosh ko mar jaanaa chaahiye