masala patthar ki zabaan ki shaaera ne

''patthar kee zabaan'' kee shaa.era ne Ik mahfil-e-sher-o-shaa.eree men Jab nazm sunaate mujh ko dekhaa Kuchh soch ke dil men muskuraa.ee Jab mez par ham mile to us ne BaDh kar mire haath aise thaame Jaise mujhe khojtee ho kab se Phir mujh se kahaa ki aaj, 'parveen'! Jab sher sunaate tum ko dekhaa Main khud ko bahut hee yaad aa.ee Vo waqt ki jab tumhaaree soorat Main bhee yoonhee sher kah rahi thee Likhtee thee isee tarah kee nazmen Par ab to wo saaree nazmen ghazlen Guzre hue khvaab kee hain baaten! Main sab ko Disown kar chukee hoon! ''patthar kee zabaan'' kee shaa.era ke Chambelee se narm haath thaame ''khushboo'' kee safeer sochtee thee Dar-pesh havaaon ke safar men Pal pal kee rafeeq-e-raah mere Andar kee ye saada-lauh 'Alice' Hairat kee jameel vaadiyon se Vahshat ke muheeb jangalon men Aa.egee to us kaa phool-lahja Kyaa jab bhee sabaa-nafas rahegaa!? Vo khud ko Disown kar sakegee!? Patthar ki zaban ki shaera ne Ek mahfil-e-sher-o-shaeri mein Jab nazm sunate mujh ko dekha Kuchh soch ke dil mein muskurai Jab mez par hum mile to us ne BaDh kar mere hath aise thame Jaise mujhe khojti ho kab se Phir mujh se kaha ki aaj, 'parwin'! Jab sher sunate tum ko dekha Main KHud ko bahut hi yaad aai Wo waqt ki jab tumhaari surat Main bhi yunhi sher kah rahi thi Likhti thi isi tarah ki nazmen Par ab to wo sari nazmen ghazlen Guzre hue KHwab ki hain baaten! Main sab ko Disown kar chuki hun! Patthar ki zaban ki shaera ke Chambeli se narm hath thame KHushbu ki safir sochti thi Dar-pesh hawaon ke safar mein Pal pal ki rafiq-e-rah mere Andar ki ye sada-lauh 'Alice' Hairat ki jamil wadiyon se Wahshat ke muhib jangalon mein Aaegi to us ka phul-lahja Kya jab bhi saba-nafas rahega!? Wo KHud ko Disown kar sakegi!?