paa ba gil sab hain rihaaii ki kare tadbiir kaun

Paa-ba-gil sab hain rihaa.ee kee kare tadbeer kaun Dast-basta shahr men khole miree zanjeer kaun Meraa sar haazir hai lekin meraa munsif dekh le Kar raha hai meree fard-e-jurm ko tahreer kaun Aaj darvaazon pe dastak jaanee pahchaanee see hai Aaj mere naam laataa hai miree ta.azeer kaun Koee maqtal ko gaya thaa muddaton pahle magar Hai dar-e-khema pe ab tak soorat-e-tasveer kaun Meree chaadar to chhinee thee shaam kee tanhaa.ee men Be-ridaa.ee ko miree phir de gaya tash.heer kaun Sach jahaan paa-basta mulzim ke kaTahre men mile Us adaalat men sunegaa adl kee tafseer kaun Niind jab khawabon se pyaaree ho to aise ahd men Khvaab dekhe kaun aur khawabon ko de taabeer kaun Ret abhee pichhle makaanon kee na vaapas aa.ee thee Phir lab-e-saahil gharaundaa kar gaya ta.ameer kaun Saare rishte hijraton men saath dete hain to phir Shahr se jaate hue hota hai daaman-geer kaun Dushmanon ke saath mere dost bhee aazaad hain Dekhnaa hai kheenchtaa hai mujh pe pahlaa tiir kaun