salaam garche likhii huii thii shahaadat imaam ki

Garche likhee huee thee shahaadat imaam kee Lekin mere husain ne hujjat tamaam kee Zainab kee be-ridaa.ee ne sar meraa Dhak diyaa Aaghaaz-e-sub.h-e-nau huee wo shaam shaam kee Ik khvaab-e-khaas chashm-e-mohammad men tha chhupaa Ta.abeer noor-e-ain-e-mohammad ne aam kee Bachchon kee pyaas maalik-e-kausar pe shaaq thee Saaqee ko varna mai kee zaroorat na jaam kee Hur saa naseeb baadshahon ko nahin naseeb Aaqaa se mil rahi thee gavaahee ghulaam kee Dariyaa pe tishna-lab hain pe sahraa men shaad-kaam Duniyaa ajab hai un ke safar aur qayaam kee De kar razaa jo chehra-e-shabbeer zard hai Thee iltijaa-e-jang ye kis laala-faam kee Garche likhi hui thi shahadat imam ki Lekin mere husain ne hujjat tamam ki Zainab ki be-ridai ne sar mera Dhak diya Aaghaz-e-subh-e-nau hui wo sham sham ki Ek KHwab-e-KHas chashm-e-mohammad mein tha chhupa Tabir nur-e-ain-e-mohammad ne aam ki Bachchon ki pyas malik-e-kausar pe shaq thi Saqi ko warna mai ki zarurat na jam ki Hur sa nasib baadshahon ko nahin nasib Aaqa se mil rahi thi gawahi ghulam ki Dariya pe tishna-lab hain pe sahra mein shad-kaam Duniya ajab hai un ke safar aur qayam ki De kar raza jo chehra-e-shabbir zard hai Thi iltija-e-jang ye kis lala-fam ki