taaj mahal

Sang-e-marmar kee khunuk baanhon men Husn-e-khvaabeeda ke aage miree aankhen shal hain Gung sadiyon ke tanaazur men koi boltaa hai Vaqt jazbe ke taraazoo pe zar-o-seem-o-javaahir kee taDap taultaa hai! Har na.e chaand pe patthar vahee sach kahte hain Usee lamhe se damak uThte men un ke chehre Jis kee lau umr ga.e ik dil-e-shab-zaad ko mahtaab banaa aa.ee thii! Usee mahtaab kee ik narm kiran Saancha-e-sang men Dhal paa.ee to Ishq rang-e-abadiyyat se sar-afraaz huaa Kyaa ajab niind hai Jis ko chhoo kar Jo bhee aataa hai khulee aankh liye aataa hai So chuke khvaab-e-abad dekhne vaale kab ke Aur zamaana hai ki us khvaab kee ta.abeer liye jaag raha hai ab tak! Sang-e-marmar ki KHunuk banhon mein Husn-e-KHwabida ke aage meri aankhen shal hain Gung sadiyon ke tanazur mein koi bolta hai Waqt jazbe ke taraazu pe zar-o-sim-o-jawahir ki taDap taulta hai! Har nae chand pe patthar wahi sach kahte hain Usi lamhe se damak uThte mein un ke chehre Jis ki lau umr gae ek dil-e-shab-zad ko mahtab bana aai thi! Usi mahtab ki ek narm kiran Sancha-e-sang mein Dhal pai to Ishq rang-e-abadiyyat se sar-afraaz hua Kya ajab nind hai Jis ko chhu kar Jo bhi aata hai khuli aankh liye aata hai So chuke KHwab-e-abad dekhne wale kab ke Aur zamana hai ki us KHwab ki tabir liye jag raha hai ab tak!