taaza mohabbaton kaa nasha jism o jaan men hai

Taaza mohabbaton kaa nasha jism-o-jaan men hai Phir mausam-e-bahaar mire gulsitaan men hai Ik khvaab hai ki baar-e-digar dekhte hain ham Ik aashnaa see raushnee saare makaan men hai Taabish men apnee mahr-o-mah-o-najm se sivaa Jugnoo see ye zameen jo kaf-e-aasmaan men hai Ik shaakh-e-yaasmeen thee kal tak khizaan-asar Aur aaj sara baagh usee kee amaan men hai Khushboo ko tark kar ke na laa.e chaman men rang Itnee to soojh-boojh mire baaghbaan men hai Lashkar kee aankh maal-e-ghaneemat pe hai lagee Saalaar-e-fauj aur kisee imtihaan men hai Har jaan-nisaar yaad-dahaanee men munhamik Nekee kaa har hisaab dil-e-dostaan men hai Hairat se dekhtaa hai samundar miree taraf Kashtee men koi baat hai yaa baadbaan men hai