taqayya so ab ye shart e hayaat thahrii

So ab ye shart-e-hayaat Thahree Ki shahar ke sab najeeb afraad Apne apne lahoo kee hurmat se munharif ho ke jiinaa seekhen Vo sab aqeede ki in gharaanon men Un kee aankhon ke rangton kee tarah tasalsul se chal rahe the Sunaa hai baatil qaraar paa.e Vo sab vafaadaariyaan ki jin par lahoo ke va.ade halaf hue the Vo aaj se maslahat kee ghaDiyaan shumaar hongee Badan kee vaabastagee kaa kya zikr Ruuh ke ahd-naame tak faskh maane jaa.en Khamoshee-o-maslahat-pasandee men khairiyat hai Magar mire shahr-e-munharif men Abhee kuch aise ghayyoor-o-saadiq ba-qaid-e-jaan hain Ki harf-e-inkaar jin kee qismat nahin banaa hai So haakim-e-shahr jab bhee apne ghulaam-zaade Unhen giraftaar karne bheje To saath men ek ek kaa shajra-e-nasb bhee ravaana karnaa Aur un ke hamraah sard patthar men chunne denaa Ki aaj se jab Hazaar-haa saal ba.ad ham bhee Kisee zamaane ke Tekslaayaa haDappa ban kar talaashe jaa.en To us zamaane ke log Ham ko Kaheen bahut kam-nasab na jaanen So ab ye shart-e-hayat Thahri Ki shahar ke sab najib afrad Apne apne lahu ki hurmat se munharif ho ke jina sikhen Wo sab aqide ki in gharanon mein Un ki aankhon ke rangton ki tarah tasalsul se chal rahe the Suna hai baatil qarar pae Wo sab wafadariyan ki jin par lahu ke wade halaf hue the Wo aaj se maslahat ki ghaDiyan shumar hongi Badan ki wabastagi ka kya zikr Ruh ke ahd-name tak fasKH mane jaen KHamoshi-o-maslahat-pasandi mein KHairiyat hai Magar mere shahr-e-munharif mein Abhi kuch aise ghayyur-o-sadiq ba-qaid-e-jaan hain Ki harf-e-inkar jin ki qismat nahin bana hai So hakim-e-shahr jab bhi apne ghulam-zade Unhen giraftar karne bheje To sath mein ek ek ka shajra-e-nasb bhi rawana karna Aur un ke hamrah sard patthar mein chunne dena Ki aaj se jab Hazar-ha sal baad hum bhi Kisi zamane ke Tekslaya haDappa ban kar talashe jaen To us zamane ke log Hum ko Kahin bahut kam-nasab na jaanen