taraash kar mire baazuu udaan chhod gaya

Taraash kar mire baazoo uDaan chhoD gaya Havaa ke paas barahna kamaan chhoD gaya Rafaaqaton kaa miree us ko dhyaan kitnaa thaa Zameen le lee magar aasmaan chhoD gaya Ajiib shakhs thaa baarish kaa rang dekh ke bhee Khule dareeche pe ik pool-daan chhoD gaya Jo baadalon se bhee mujh ko chhupaa.e rakhtaa thaa BaDhee hai dhoop to be-saa.ebaan chhoD gaya Nikal gaya kaheen an-dekhe paaniyon kee taraf Zameen ke naam khulaa baadbaan chhoD gaya Uqaab ko thee gharaz faakhta pakaDne se Jo gir ga.ee to yoonhee neem-jaan chhoD gaya Na jaane kaun saa aaseb dil men bastaa hai Ki jo bhee Thahraa wo aakhir makaan chhoD gaya Aqab men gahraa samundar hai saamne jangal Kis intihaa pe miraa mehrbaan chhoD gaya