vahii narm lahja vahii narm lahja

Vahee narm lahja Jo itnaa mulaa.em hai jaise Dhanak giit ban ke samaa.at ko chhoone lagee ho Shafaq narm komal suron men koi pyaar kee baat kahne chalee ho Kis qadar rang-o-aahang kaa kis qadar khoobsoorat safar Vahee narm lahja Kabhee apne makhsoos andaaz men mujh se baaten karegaa To aisa lage Jaise resham ke jhoole pe koi madhur giit halkore lene lagaa ho Vahee narm lahja Kisee shokh lamhe men us kee hansee ban ke bikhre To aisa lage Jaise qaus-e-quzah ne kaheen paas hee apnee paazeb chhankaa.ee hai Hansee ko wo rim-jhim Ki jaise fazaa men banafshee chamakdaar boondon ke ghunghroo chhanakne lage hon Ki phir Us kee awaaz kaa lams paa ke Havaaon ke haathon men an-dekhe kangan khanakne lage hon Vahee narm lahja mujhe chheDne par jab aa.e To aisa lagegaa Jaise saavan kee chanchal havaa Sabz patton ke jhaanjhan pahan Surkh phoolon kee paa.el bajaatee huee Mere rukhsaar ko Gaahe gaahe sharaare se chhoone lage Main jo dekhoon palaT ke to wo Bhaag jaa.e magar Duur peDon men chhup kar hanse Aur phir nanhe bachchon kee maanind khush ho ke taalee bajaane lage Vahee narm lahja Ki jis ne mire zakhm-e-jaan pe hamesha shagufta gulaabon kee shabnam rakhee hai Bahaaron ke pahle parinde kee maanind hai Jo sadaa aane vaale na.e sukh ke mausam kaa qaasid banaa hai Usee narm lahje ne phir mujh ko awaaz dee hai Wahi narm lahja Jo itna mulaem hai jaise Dhanak git ban ke samaat ko chhune lagi ho Shafaq narm komal suron mein koi pyar ki baat kahne chali ho Kis qadar rang-o-ahang ka kis qadar KHubsurat safar Wahi narm lahja Kabhi apne maKHsus andaz mein mujh se baaten karega To aisa lage Jaise resham ke jhule pe koi madhur git halkore lene laga ho Wahi narm lahja Kisi shoKH lamhe mein us ki hansi ban ke bikhre To aisa lage Jaise qaus-e-quzah ne kahin pas hi apni pazeb chhankai hai Hansi ko wo rim-jhim Ki jaise faza mein banafshi chamakdar bundon ke ghunghru chhanakne lage hon Ki phir Us ki aawaz ka lams pa ke Hawaon ke hathon mein an-dekhe kangan khanakne lage hon Wahi narm lahja mujhe chheDne par jab aae To aisa lagega Jaise sawan ki chanchal hawa Sabz patton ke jhanjhan pahan SurKH phulon ki pael bajati hui Mere ruKHsar ko Gahe gahe sharare se chhune lage Main jo dekhun palaT ke to wo Bhag jae magar Dur peDon mein chhup kar hanse Aur phir nanhe bachchon ki manind KHush ho ke tali bajaane lage Wahi narm lahja Ki jis ne mere zaKHm-e-jaan pe hamesha shagufta gulabon ki shabnam rakhi hai Bahaaron ke pahle parinde ki manind hai Jo sada aane wale nae sukh ke mausam ka qasid bana hai Usi narm lahje ne phir mujh ko aawaz di hai