vaqt e rukhsat aa gaya dil phir bhi ghabraayaa nahin
— Parveen Shakir
Vaqt-e-rukhsat aa gaya dil phir bhee ghabraayaa naheen
Us ko ham kya kho.enge jis ko kabhee paayaa naheen
Zindagee jitnee bhee hai ab mustaqil sahraa men hai
Aur is sahraa men teraa duur tak saayaa naheen
Meree qismat men faqat durd-e-tah-e-saaghar hee hai
Avval-e-shab jaam meree samt wo laayaa naheen
Teree aankhon kaa bhee Kuch halkaa gulaabee rang thaa
Zehn ne mere bhee ab ke dil ko samjhaayaa naheen
Kaan bhee khaalee hain mere aur donon haath bhee
Ab ke fasl-e-gul ne mujh ko phuul pahnaayaa naheen