wo to khush buu hai havaaon men bikhar jaaegaa

Wo to khush-boo hai havaaon men bikhar jaa.egaa Mas.ala phuul kaa hai phuul kidhar jaa.egaa Ham to samjhe the ki ik zakhm hai bhar jaa.egaa Kya khabar thee ki rag-e-jaan men utar jaa.egaa Wo havaaon kee tarah khaana-ba-jaan phirtaa hai Ek jhonkaa hai jo aa.egaa guzar jaa.egaa Wo jab aa.egaa to phir us kee rifaaqat ke liye Mausam-e-gul mire aangan men Thahar jaa.egaa Aakhirash wo bhee kaheen ret pe baiThee hogee Teraa ye pyaar bhee Dariya hai utar jaa.egaa Mujh ko tahzeeb ke barzakh kaa banaayaa vaaris Jurm ye bhee mire ajdaad ke sar jaa.egaa