be dili se hansne ko khush dili na samjhaa jaae

Be-dilee se hansne ko khush-dilee na samjhaa jaa.e Gham se jalte chehron ko raushnee na samjhaa jaa.e Gaah gaah vahshat men ghar kee samt jaataa hoon Is ko dasht-e-hairat se vaapsee na samjhaa jaa.e Laakh khush-gumaan Dunya baahamee ta.alluq ko Dostee kahen lekin dostee na samjhaa jaa.e Ham to bas ye kahte hain roz jiine marne ko Aap chaahen Kuch samjhen zindagee na samjhaa jaa.e Khaak karne vaalon kee kya ajiib khwaish thee Khaak hone vaalon ko khaak bhee na samjhaa jaa.e