din guzarte hain jo andesha o afkaar ke saath
— Pirzada Qasim
Din guzarte hain jo andesha-o-afkaar ke saath
Dil dhaDaktaa hai magar ranj-e-giraan-baar ke saath
SainkaDon barson pe phailee hain hikaayaat magar
Vaaqa'e ek se vaabasta hain talvaar ke saath
Yuun to sangeenee-o-baalaa-qadee achchhee hai magar
Ek saa.e kaa tasavvur bhee hai deevaar ke saath
Ab khalaa apnee hee jaanib ye safar hai ki yahaan
Faasle aur baDhe garmee-e-raftaar ke saath
Kisee tanhaa se 'ajab garmee-e-baazaar rahi
Ek amboh-e-tamannaa tha khareedaar ke saath