ek se silsile hain sab hijr ki rut bataa gaii

Ek se silsile hain sab hijr kee rut bataa ga.ee Phir vahee sub.h aa.egee phir vahee shaam aa ga.ee Mere lahoo men jal uThe utne hee taaza-dam charaagh Vaqt kee saazishee havaa jitne diye bujhaa ga.ee Main bhee ba-paas-e-dostaan apne khilaaf ho gaya Ab yahee rasm-e-dostee mujh ko bhee raas aa ga.ee Tund havaa ke jashn men log ga.e to the magar Tan se koi qabaa chhinee sar se koi ridaa ga.ee Dil-zadagaan ke qaafile duur nikal chuke tamaam Un kee talaash men nigaah ab jo ga.ee to kya ga.ee Aakhir-e-shab kee daastaan aur karen bhee kya bayaan Ek hee aah-e-sard thee saare diye bujhaa ga.ee