hai jabr vaqt kaa qissa ajab sunaae kaun

Hai jabr vaqt kaa qissa ajab sunaa.e kaun Main yaad us ko karoon aur yaad aa.e kaun Ye baat bujhte diyon ne kisee se poochhee thee Jale to ham the magar khair jagmagaa.e kaun Use talaash to karnaa hai phir ye sochtaa hoon Zamaana aur hai ab zahmaten uThaa.e kaun Yahaan to apne charaaghon kee fikr hai sab ko Diyaa jalaayaa hai sab ne diye jalaa.e kaun Yahaan to log inhee hairaton men jiite hain Ki tiir kis pe chale aur zakhm khaa.e kaun Yahaan to jaagtee aankhon men khvaab jaagte hain Jo jaagte hon unhen khvaab se jagaa.e kaun Yahaan kisee ko kisee kee khabar nahin miltee Magar ye be-khabaree kee khabar sunaa.e kaun Yahaan to sub.h se pahle hee bazm barham hai Diyaa bujhaa de koi par diyaa bujhaa.e kaun