hamaarii tarah koi duusraa huaa bhi nahin

Hamaaree tarah koi doosraa huaa bhee nahin Wo dard dil men rakhaa hai jo laa-davaa bhee nahin Hamaaraa dard ajab marhale men hai ki jahaan Wo be-sukhan bhee nahin aur lab-kushaa bhee nahin Usee ko dekhtee rahtee hai chashm-e-shauq mudaam Jo gham abhee sar-e-shaakh-e-alam khulaa bhee nahin Ajiib tarah se raushan huee hai khalvat-e-gham Ki raushnee hai bahut aur diyaa jalaa bhee nahin Ye dasht-e-shauq bahut aafiyat-gazeeda hai Ki ab yahaan pe to imkaan-e-naqsh-e-paa bhee nahin Guzar hai kaisee fazaaon se aaj taa.ir-e-ishq Ki zer-e-baazoo-e-parvaaz ab khalaa bhee nahin Main aise shakhs ko zindon men kya shumaar karoon Jo sochtaa bhee nahin khvaab dekhtaa bhee nahin Ye ishq khaak hee hone kaa naam thaa so hamen Sila milaa bhee bahut aur sila milaa bhee nahin Ye asr-e-nau kee chitaaon men aag kaisee hai Ki ruuh raakh huee aur badan jalaa bhee nahin Tamaam umr ajab vaz.a-daariyon men kaTee Use aziiz rakhaa jo hamaaraa thaa bhee nahin