hujra e zaat se baahar to nikal kar dekho

Hujra-e-zaat se baahar to nikal kar dekho Tum kisee doosre paikar men bhee Dhal kar dekho Kya ajab tum ko hee ye ham-safaree raas aa jaa.e Do qadam hee sahee tum saath to chal kar dekho Haan ye dastaar-e-fazeelat bhee qabaa-e-zar bhee Khud ko dekho to ye poshaak badal kar dekho Mausam-e-hijr koi rut hai na kuch aab-o-havaa Ik taqaazaa hai ki phir ghar se nikal kar dekho Maat ho jaa.e magar hausla-e-dil ke liye Aakhiree chaal jo baaqee hai wo chal kar dekho