ik sazaa aur asiiron ko sunaa dii jaae

Ik sazaa aur aseeron ko sunaa dee jaa.e Ya.anee ab jurm-e-aseeree kee sazaa dee jaa.e Dast-e-naadeeda kee tahqeeq zarooree hai magar Pahle jo aag lagee hai wo bujhaa dee jaa.e Us kee khwaish hai ki ab log na ro.en na hansen Be-hisee vaqt kee awaaz banaa dee jaa.e Sirf sooraj kaa nikalnaa hai agar sub.h to phir Ek shab aur miree shab se milaa dee jaa.e Aur ik taaza sitam us ne kiyaa hai eejaad Us ko is baar zaraa khul ke duaa dee jaa.e