jis taraf nazar kiije vahshaton kaa saamaan hai
— Pirzada Qasim
Jis taraf nazar kiije vahshaton kaa saamaan hai
Zindagee hee kya ab to khvaab tak pareshaan hai
Ik havaa-e-betaabi ham ko le uDee varna
Baal-o-par ke parde men himmat-e-gurezaan hai
Ai havaa-e-gham too ne sab diye bujhaa Daale
Phir bhee khalvat-e-jaan men duur tak charaaghaan hai
Daar-o-geer-e-vahshat men ab panaah kya DhoonDen
Ye zameen daaman hai aasmaan garebaan hai
Main hoon jab talak baaqee ye mukaalima hogaa
Ai haqeeqat-e-hastee meraa naam insaan hai