kaar e khuluus e yaar kaa mujh ko yaqiin aa gaya
— Pirzada Qasim
Kaar-e-khuloos-e-yaar kaa mujh ko yaqeen aa gaya
Itnaa shadeed vaar thaa mujh ko yaqeen aa gaya
Bas yoonhee Kuch gumaan saa thaa koi pas-e-sukhan bhee hai
Dard jo lab-kushaa huaa mujh ko yaqeen aa gaya
Phir wo havaa kaa qahqaha kaan men goonjne lagaa
Aur bhee ik diyaa bujhaa mujh ko yaqeen aa gaya
Daa.era-vaar thaa safar ishq-e-junoon-sifaat kaa
Hijr-o-visaal Kuch na thaa mujh ko yaqeen aa gaya
Ab miraa dard bujh gaya ab miraa zakhm bhar chalaa
Phir vahee dost aa.egaa mujh ko yaqeen aa gaya