kaun gumaan yaqiin banaa kaun saa ghaav bhar gaya

Kaun gumaan yaqeen banaa kaun saa ghaav bhar gaya Jaise sabhee guzar ga.e 'jaun' bhee kal guzar gaya Us kaa charaagh-e-vasl to hijr se raabte men tha Wo bhee na jal sakaa udhar ye bhee idhar bikhar gaya Ziist kee raunaqen tamaam us kee talaash men raheen Aur wo gham-nazhaad 'jaun' kis ko khabar kidhar gaya Gaam-ba-gaam ik bahisht aur wo us kee ek hasht Raah men bhee rukaa nahin aur na apne ghar gaya Rasm-e-supurdagee ko kab darkhur-e'tinaa kahaa Khud se jo tha gurez-paa sab se gurez kar gaya Us ke sukhan kaa mo.ajiza us kee nahin men dekhiye Haan bhee hai maajraa magar 'jaun' kahaan udhar gaya Us ko tha sakht ikhtilaaf ziist ke matn se so wo Bar-sar-e-haashiya raha aur kamaal kar gaya Us ke khayaal kee numood ahd-ba-ahd jaavedaan Bas ye kaho ki 'jaun' hai ye na kaho ki mar gaya